بيتن عجبني مـن قصايـد كثيفـة
مدري لمنهو بس ماهوب مسـروق
((وين أنت ياذيب الليـال المخيفـة
فوق الثرى وألا عليك الثرى فوق))
الذيـب ماياخـذ نصيبـة نصيفـة
ومايحني الهامة علـى أي مخلـوق
والذيب ماياكل مـن عظـام جيفـة
حاشم جنابة من ردا كـل مطفـوق
يابـو محمـد والليالـي كسيـفـة
بشكيك قلبن من غثا البعض محروق
ترى قلوب البعض ماهـي نظيفـة
وترى قلوب البعض تخلا من الذوق
من سبة اللي خـان رفقـا عفيفـة
راح وتنكر تـارك القلـب مفتـوق
خان الصداقـة والصداقـة شريفـة
وخان الوفا والطيب والطيب ماثوق
هو ماخذ الرفقة على كيـف كيفـة
مايدري أنه لي على راسة حقـوق
خلا رفيقـه فـي ظروفـن عنيفـة
باع الرفاقة بيع في داخـل السـوق
الله ياظـروف الزمـان المخيـفـة
كيف الرفيق يخون ويصد ويبـوق
الطيـب مايبغـى رجالـن ضعيفـة
يبغى رجل طيبة على طول مرمـوق
بالطيب سباقـن ومشهـور سيفـة
ولا الردي دايم على الطيب مسبوق
وراع الشهامة والكـرم مانضيفـة
لهل الردى والخبث والكذب والبوق
والحيـن وينـك والليالـي مخيفـة
فوق الثرى وألا عليك الثرى فـوق
وســـــلامتكم....
الرئيسية
الأربعاء نوفمبر 20, 2024 4:12 pm
الأحد يونيو 08, 2014 5:58 am
