قصيده للشاعر الكبير خلف بن هذال العتيبي
قال الـوداع وقلـت يازيـن لا لا = ماهو بحق تغيـب عنـي دقيقـه
لك في صميم القلب قدر وجـلالا = وفراقكم ياروح روحـي ماطيقـه
ماطيق بعـدك ياحسيـن الـدلالا = فرق الشمل ولع في كبدي حريقه
عليك حالي ناحلـه بـن حـلالا = والنفس فيها يابن الأشراف ضيقه
يهوي على قلبـي هموم(ن)تـدالا = صادمت من حبك جروح عميقـه
واليوم انا ماريـد ذيـك المبـالا = اخذ كـلام اللـي كلامـه حقيقـه
وانا على وصلك كثيـر الأمـالا = وصل العشيق اللي وفا في عشيقه
سبحان من صورك جل وتعالـى = الجسم ناعـم والملامـس رقيقـه
بيض(ن) تحت حمر الشفايا تلالا = كن العسل يصنع من اطراف ريقه
اكضم ليا طرّي وجالـه مجـالا = مافي يدي حيله ولالـي طريقـه
ألا نهار يـروح سيـد الجمـالا = اخضع وادانـي عهود(ن) وثيقـه
سافر ومعه مثـل وبـل الخيـالا = وانا عيوني من دموعي غريقـه
هل الهلال وهـل عقبـه اهـلالا = والروح في لا ماه حرصه شفيقه
ان كان ناس وتّدعـون الكمـالا = عودو على حي (ن)جفا النوم ميقه
جفا المنام وصـاب قلبـه جفـالا = صار السهر عقب العداوه صديقه
بين الرجا والياس والعهـد طـالا = والله يبور بمـن يبـور برفيقـه
مشبوك والمشبوك امره محـالالا = ولاواهنيـك يالطيـور الطليقـه
راع الهوى عن الهـوى مايسـالا = يوم المحب اقل حاجـه تضيقـه
وسلامتكم
الرئيسية
أمس في 4:12 pm
الثلاثاء ديسمبر 22, 2015 1:43 am
