يا سعيد ابن خلفان قم شغل الجيب = شفني من البارح على راس كوعي
يتلني الهاجوس تل الكلاليب = ولولا التتن ماكان هديت روعي
تتن اليمن تثني عليه الشواريب = وأنا ثنيته في مفالج ضلوعي
لولاه من يحرز خضار الهناديب = اللي تحت كفي وبامري وطوعي
ياما قطعت من الغياهب غياهيب = سود الليال متيهات الجموعي
والبارحة ياراعي الفطر الشيب = ذودك تذكرني معزة ربوعي
أهل البكار السود حرش العراقيب = قبل إحتلال الترك دار الشيوعي
وأنا على طاري اللحى والأشانيب = قربت فنجالي وتمرة قدوعي
وأقول يامعزب وكيل المعازيب = أبعد عليك من الثريا خضوعي
ياشيخ لاترسل علي المناديب = مادام طبعك مايناسب طبوعي
الله عطاني نفس طير وعظم ذيب = وإليا لحقني جوع سديت جوعي
عيشة حرار الصيد عكف المخاليب = ماهيب عيشة مشعلين الشموعي
جيتك عزيز النفس ياشيخ مانيب = رجل على خزنة رصيدك دنوعي
وإقفايتي منك ترى مابها عيب = العيب والله عقب ما أقفي رجوعي
الرئيسية
أمس في 4:12 pm
الخميس يونيو 13, 2019 6:54 pm
