يوتيوب شيلة يالله ياللي بك نعز ونهتدي ياملتجى المخلوق لاقل جهده أداء جفران المري رحمة الله نخوة سمو الامير احمد بن عبدالعزيز آل سعود



السلام عليكم ..
صباح / مساء الخير ..
هذه قصيدة أنشهدها /جفران المري رحمه الله وكانت آخر شيلة له
وذلك طلباً للعفو لمحكوم عليه بالقصاص ..
***
يالله ياللي بـك نــعز ونــهتدي ***
يامـلتجأ المـخلوق لاقـل جـهـده ...
أغفر لي الزلات لاحان وعدي ***
واعوذ بك من حر نار موصده ...
أرفع كفوفي لك وانا في مسجدي***
منك الفرج والوصل فيك مجوٌده ...
فرٌج على من قام يومه يحتدي ***
الخصم صامل والسيوف محدده ...
في عيني الأيام تركض وتعدي ***
المرالأول وأنتظر وش بعده ؟
ضاق الفضاء والكون وين أغدي ***
لاصارت أطراف الحلول معقده ...
السيف الأملح زارني في مرقدي ***
ويقول عجٌل والعلوم موكده ...
القيد سبع سنين يلوى في يدي ***
والسيف يامشكاي قرٌب بوعده ...
تكفى ياخو نوره ياسقم المعتدي ***
وجهك وجاهك عز من قل جهده ..
***
نعوذ بالله من الإبتلاء ,,
ونسأله سبحانه أن يُفرج هم كل مسلم ومسلمة ..
اللهم آمين .

روعة الله يعطيك العافية