يوتيوب شيلة يالله يامطلوب يالله عليك الاتكال نخوة آل غالب قحطان بصوت المبدع ناجي بن باصم اليامي صوت يام

شيلة حزينة جدا كلمات الشاعر يحيى فالح الاحمري واداء صوت يام ينخى ال غالب وكل القبائل

روعة ~ ودي

السجين اسمه حمد ابن محمد آل سعد
وكلمات القصيدة هذه
يالله يا مطلوب يالله عليك الاتكال
واحد فرد صمد يامعين العالمين
بسمه اسمي واسبح وهو منشئ الخيال
عالم الاحوال ومبدل عسر بلين
والصلاة على النبي عد ذرات الرمال
واطلب الله الهداية ودرب المهتدين
بعدها والعلم ينصى كريمين السبال
نخوة وانخى بها كل عرب ومسلمين
من حمد جات الرسالة وانا جالي مجال
لال غالب وانخى العرب لانتصار الاولين
بسمي وبسم السجين المعقل بالحبال
انتخي قحطان قحطان وتشيل الثقال
فعلهم ماهو بخافي على مر السنين
ايه قحطان العرب ساس واسم لا يزال
عالق في روس الابطال واسم له رنين
وانتخي في ربعه اللي لهم قدر وجلال
الجحادر والجحادر لها فعلن سمين
وانتخي في يام فزعاتكم تنهي الجدال
ايه يا يام العرب لاتخلوني حزين
وانتخي في وادعة ترفع حمول الجمال
من سجن ظهران وانتوا هنا وقريبين
وانتخي شهران دولة مثل قوس الهلال
من تهامة لين بيشة عريضتهوا تبين
ياعسير الهول تكفون فزعتكم مثال
تنجي الهالك وجيه الرجال المتقين
وانتخي بللحمر العز ذربين الفعال
سربة وقت الملاقى يجونك صاملين
وانتخي بللسمر القوم مروية السلال
فزعتي لاضاق صدري وطاولني الونين
وانتخي عمرين وابني شهر روس الجبال
وانتخي بلحارث وغامد الدرع المتين
وانتخي بسبيع وسبيع من شمسي ظلال
لاحداني صلف وقتي سبيع الغالبين
وانتخيكم يالدواسر يا وافين الخصال
راس مال الوقت لا صار ديان ومدين
وانتخي قوم التغالب يا اهل صفر الدلال
اجلوا اعماسي من الموت ياكليب اجمعين
وانتخيكم ياعتيبه ترى الفزعة حلال
فزعة الهيلا كبيرة وقومن عارفين
وانتخي فمطير حمر النواظر والعقال
مايميل الا على راس شمر خابرين
وانتخي كل القبايل جنوبن والشمال
صحت باعلى الصوت تكفون في عون وعوين
ادخلوا على ال غالب وهم لي راس مال
لاغدت سود الليالي على مثلي سجين
هم هل العادات والعفو من ماضي الليال
من تذرى في ذراهم زبن قصرن حصين
الشجاعة والسطر فالكبير وفالعيال
والشكالة والتسامح وأهل دنيا ودين
باب بيت الشيخ عايض نصيته بالرجال
بزهمه وانخاه تكفون ياذرب اليمين
وانتخي بعياله وكل عم وكل خال
وآل غالب كل ابوهم قرومن غانمين
الولد هذا ولدكم وانا بسئل سؤال
سيفكم ياكل لحمكم ماظنه يافطين
من يكفف دمع الايتام لاحدر وسال
وامه اللي قلبها مرض من كثر الحنين
اعتقوا ذاك اليتيم المعقل بالحبال
له بدار السجن عشر وثلاث يامعين
العفو تكفون وانتم عطاياكم جزال
واجركم في الآخرة عند رب العالمين