اخاف انك بعد موتي ..تحن وتفتح التابوت‎

--------------------------------



يجي من آخر الدنيا صَدَى صوتٍ خَفِيْ مَكْبوت
يصيح يقول: وين الحب ؟ ومثلك خانقٍ صوته







ولكنْ صوته الخافِتْ .بَنَىْ وسْطْ القلوب بيوت
تِطِيح بيوت هالدّنيا .وهو ماطاحت بْيُوته



تِذَكّرْ صاحبك وارْجَع.تقرّب له وَلَو بالصّوت
حرام .تْضَحّك الدنيا عليه. وتَطْلب سكوته !



على آخِرْ نِفَسْ واقف...تِجِيْ..وَلاّ يجِيه الموت واشوف الموت أَحْرَصْ مِنْك. وأشوف انّك تِبي موته



وأخاف إنّك بَعَد موتي .تِحِنّ .وتفتَح التابوت
وأخاف مْنْ القهر.. يَقْفُل بْوجهك . باب تابوته



بْتَبْكِي والنّدم قاتِل ..مَعَادْ يْفيد .فاتْ الفوت
تِبي تَفْسيرْ لحْروفٍ. على التّابوت. مَنحوته



حُروفٍ خَطّها بِيْدَه قبِل تَجْفَى وقَبْل يموت
لَحَنْ . غامِض . لْمَعْزوفَه . يِتيمَه . مالَها نوتَه



بْتَرْجَعْ لآخِر الدنيا ..لْمَصدَرْ صوته المَكْبوت
تبِي تَلْحَق بِقَايا الصّوت.( تِطَمّنْ) . ماهُوْ بْصوته



بَتروحْ لآخِر الدّنيا .وتقول عسى ماينْقِطع ذا الصوت
تحِسّ إنّك تناديه وتحِسّ إنّه صَدى صوته



رجوعك كان مِتْأخّر. سبقك قبل تجيه الموت
عسى ربّي يسامحني مَدَام "إنّك"سِبَبْ موته



وَبَتدْخل في قلوب الناس وْلَه في كلّ قلب بيوت
بَتعَوّض ْ حُبّه بْحُبّ القلوب. وْبَتسْكن بيوته



وَبَتصْرخ فوق تابوته بصوتٍ خافتٍ مكبوت
ولكنْ.. من يِفَسّر لك حروفٍ فيه منحوته؟



يعيش الناس ماعاشوا. وتبقى قصّة التابوت قِفَلْ في وجهك العالم . بْقَفْلَةْ باب تابوته



بصيح. وبَخْتِنق. وأبكي . ولكن بَعْدْ فوت الفوت
عرَفْتْ الحين ليه؟ ..آخر رساله.. كانت النوته



..أنت بالهجر عذّبته.. وَلاَ حنّيت قبل يموت
وهو بالموت عذّبني .. عذابي كلّه سْكُوتي .

روعة صح لسانك