انا ليا سجت عليه طـــــــــــــــواري .......... والصدر ضاق وعفت شوف المخاليق
شلت الزهاب بليل ولا بنهـــــــــاري .......... واخذت من راعي المحطــــــه ملاحيق
لو كان ما ليه خويٍ يبـــــــــــــــاري .......... عســــى الولي يسوقني للتوافيــــــــــق
خاويت سرحان الخلا بالغـــــــــداري ......... نوبٍ براد ونوب به ينشف الريـــــق
ومشتاي ما بين الغضا والمـــــذاري .......... يالله عساهن بالمزون المدافيـــــــــق
يالله عساهن بالمزون البـــــــــداري .......... مزون غرٍ ملقحاتٍ بواريـــــــــــــــــق
وان صار بالسيحان شوف الغضـاري .......... وتلقى الجدايل مخضراتٍ مواريــــــــق
يازين نقل الطير عوق الحبـــــــاري .......... طلاع يفعل نادرٍ باللواحيــــــــــــــــــــق
ووقفت في روضٍ وشبيت نــــــاري .......... وحولت لي دله وقمقوم وبريــــــــــــق
وقدرت حمستها هي ويا البهــــاري .......... وسويت دله لون دم المعاليــــــــق
ولا فات ثلث الليل ليه مســــــــاري .......... لعاشقةٍ بيني وبينها مواثيـــــــــــــــــق
وسهرنا لما الصبح جت له مواري .......... واخفى النجوم البينات اللواهيـــــــــق
وودعتها وانا اكاضم عبــــــــــاري .......... وعبراتها في صدرها له مخانيــــــــق
واضن طرد البيض ما فيه عـــاري .......... يا كثر ما فيهن تقول العشاشيـــــــــق
والقيض لي من دون ندفه محاري .......... بالفرس والروثه غدوها مطاليــــــــق
اقضي نهاري مخليات الصحـــاري .......... عن شوفهن لا ادلـه ولا اصبر ولا اليــق
ماني بمن يشبه حزينٍ بــــــــداري .......... يقضي نهاره مير ما فارق الضيق

صح لسانك