الرجاء اخذ الموضوع بجدية وعدم التعامل مع موقع جلوبال اند مارك هالموضوع نقلته لكم وهي شكوى إحدى الاخوات في احد المواقع الالكترونية وهي تشتكي لفضح احد المواقع حيث قام الموقع المذكور بالنصب عليهم وهذا كلامها :
اولا ازيكم يابنات عاملين اية يارب تكونو بخير انا كاتبة الموضوع دا علشان احذركم من شركة جلوبال اند مارك اللى هيا بتاعت التسوق الشبكى عبر الانترنت خلو بالكم اوى لانها طلعت نصابة ولو اى واحدة ناوية تشترك ياريت متشتركش علشان 3من اخوات جوزى اشتركو فيها منهم واحدة مشتركة بمرتين يعنى ب900دولار قبضتت منهم250 دولار وبعد كدة القبض وقف واتفجئو انهم قبضو على صاحب الشركة واخت جوزى التانية مشتركة ب400دولار مقبضتش ولا مليم ملحقتش تقبض والتانية كمان مقبضتش ونسيتهم فى الارض والله حذرتهم منها قبل ما يدخلو بس مسمعوش كلامى لانى قريت عنها فى النت والشيوخ لما واحدة كانت بتسألهم الفلوس المكسب دى حلال ولا حرام كان بيرد ويقول طبعا المكسب حرام والشركات دى شركات نصب بس للاسف الناس بتجرى ورا الربح السهل بس للاسف فلوسهم بتروح عليهم والله ماقادرة اوصفلكم حالة اخوات جوزى التلاتة منهم واحد عاملة بالفلوس دى جمعية والجمعية لسة حتخلص فى شهر 11 وبتسددها بالعافية ربنا يعينها انا قولت اجى اقولكم علشان تاخدو بالكم من الموضوع دا والله لما كانت الاعلانات بتغيب يوم ولا يومين علبال ماتنزل كانو بيسألو الليدر ويقولولها احنا خايفين مش مرتاحين مكنوش بيخلصو منها وتقولهم احنا عندنا فتوى ان فلوسها حلال واحنا مش نصابين للاخر وقت كانت بتقولهم كدة حسبى الله ونعم الوكيل.
ونحن من هنا نحذر من التعامل مع هذا الموقع بأي شكل من الأشكال
الرئيسية
أمس في 4:12 pm
الإثنين مايو 20, 2013 2:03 pm
