عطني غلا واعطيك عمري وحالي = حبٍ مخلّد ما حلم فيه مخلـوق
يا شاغل احساسي وعمري وخيالي = يا من لقلبي بلسم الجرح والعوق
مِنْك الوفا يكفي وهذا منالي = في دنيتي يـا حالـي الطبـع والـذوق
أرقب وِفَاكْ وحايره في سؤالي = واحس اني دون شوفتـك مخنـوق
بعدك يعذبني .. يزيد انشغالـي = الله يعيـن ويفـرج الهـم بشفـوق
في وحدتي أجلس أعد الليالي = واسهر معاها لين طلعـات لشـروق
صوتك يصبِّرني ويرثي لحالي = أسْتَر به ويخفـف الهـم والشـوق
وان شفت طيفك أبتهج باحتفالي = واسرح لحد الصبح ينساب وأفوق
عجّل بوصلك وِافْتِهم ما جرالي = وان مِتْ انا أفداك يا حالي الـذوق
الرئيسية
أمس في 4:12 pm
الخميس مايو 09, 2013 4:54 am
