تالي العصر يا بارد هبوب النسايم .. ذعذعي يابنات الفكر في هادي نسيمة
الغنايم مابقى فود وغنايم .. في عتيم الوقت لا سرمد عتيمة
عاليٍ صوت الجهل وأهل الشتايم .. لو تبي تسلم يقفونك شتيمة
يدعون الفهم والمسلك بهايم .. وش تبي تفهم من هروج البهيمة
ذا زمانٍ شفت أنا فيه الرخايم .. في مواكير الحرار اللي صريمة
الفهود مغيبة والبوم حايم .. والحصاني قد لها شانٍ وقيمة
عابدين المال تمشي بالنمايم .. ماتعيش إلا على زيف النميمة
العجم لو هي تحلى بالعمايم .. قبح الله شوفة وجيهٍ ذميمة
السنافي ينزل بروس العدايم .. والردي تلقاه في القاع الوخيمة
الردي ليته يرقم بالوسايم .. كان عقبناه لاشفنا الوسيمة
والله إني عن سقاط الخلق صايم .. لا إرتخى من خشمها حبل الخطيمة
الرئيسية
الأربعاء يونيو 10, 2020 10:56 am
الإثنين ديسمبر 31, 2018 2:15 am
