خلاص ياخلي محيت الامل فيك=مدام صار البعد عندك وسيله
ادري تبيني بس معاد يمديك=كل الدروب الاربعه مستحيله
لالا تعذر كافي اعذار مابيك=الهم يكفي عن كثيره قليله
حاولت اشوفك واتقرب واداريك=وقلبي من الحرمان ضيع دليله
ياما رجيتك في هوى حب مغليك=ياما رجيتك بس مافيك حيله
اقفيت عني والغلا بين اياديك=وخليت قلبي يكتوي باالمليله
كنت الامل واصبحت هم بتعاليك=واهمي اللي مالقى من يزيله
كنت البياض الحين سادت لياليك=نبراس باقي الحب لازم نشيله
عقب الامل جفت ليالي رجاويك=ضاعت سنيني والامل وسط ليله
زبدة كلامي كل مافي ناسيك=ارحل مدام النفس ماهي ذليله
وان زارني في تالي الليل طاريك=العالم الله باذكرك باالجميله
واليا نشدوني الناس وش حال غاليك=اقول عايش بس يجني حصيله
الرئيسية
الأربعاء يونيو 10, 2020 10:56 am
السبت يوليو 19, 2014 1:24 pm
