ابطيت لا مبطيت لاوالله ابطيت = تبي الحقيقه خاطري منك مكسور
إشتقت لك حتى من الشوق مليت = وحزنت حتى مابقى للفرح دور
وجاوبت صوت الراعبيه وغنيت = لانيب طربانِ ولانيب مجبور
الظاهر إني فختياري لك أخطيت = يجيك طيف الحب ويرد مقهور
ماصرت في ظني على ماتمنيت = أسرفت في حبك ولانيب ماجور
كنت أتشاوى شوقي إللي لك أهديت = وأقول أنالك كلي إحساس وشعور
هذا جزاي وحقي اللي لي أثنيت = وتبغى على هجرانك أقول مشكور
لاوالله إلى بالقطيعه تماديت = وانا على رجواك وايامي شهور
زليت يوم إني بالاقدام زليت = غلطة قدم في حق نفسي كما الطور
ماتدري إنك من حياتي تجليت = وإن كان ماتدري بها فأنت مغرور
بنيت لك فالقلب بيتِ على بيت = وحطيت لك فالروح سورِ ورى سور
وفجرت في قصرك بصدك دناميت = وخليت حبك حدر ألانقاض مقبور
وأنا عن المقفي ليا أقفى تعليت = وأقبل على المقبل مثل طلعت النور
إللي دعاني بالوفأ له ورديت =وأصبح بحبه دأخلِ مشة الزور
مدام لاقصرت له قال وفيت = أخوض لجل إعيونه أمواج وبحور
جهزت له خيل المحبه وعنيت = وأتعب من أجله والتعب عندي سرور
إلي جبينه لاكــــشف كنه الليت = غروِ على الخفرات كنه من الحور
عزاي في رجواه زود التناهيت =والقلب بين إيديه منهي ومامور
مهما حصل مهماحصل ماتخليت = لاسابقه دورِِ ولا عاقبه دور
ومهما إعترض لي في غرامه ومبليت = أبقى مدانِ بالوفاء له ومغمور
يابسمة أيام الغلا سو ماشيت = أسرف ترى بيت الوصل فيك معمور
أخليت لك كل الضماير وصفيت = مسموح لك ولا من الغير محذور
مادمت في كل الجوارح توصيت = مالد في غيرك ولا أسمع بك الشور
وســــلامتـــكم
الرئيسية
الأربعاء يونيو 10, 2020 10:56 am
السبت يوليو 19, 2014 12:48 pm
