كل ماذعـذع علـي صلـف الهـوى حدريـة
يكفـخ فـوادي بصـدري قـبـل يكـفـخ ثـوبـي
خــص لاجــا بــاردن ومـذعـذع" عـصـريـة
يجمع اللي به من الذكرى وياتي صوبي
قبل يلعب بـي وانـا قـد شفـت فـي ماريـة
ضايق"من صبح والهاجوس دوبه دوبـي
والله ان كـنــه يـــداوي الـجــرح بالشـبـريـه
والجـوارح مـن هــواه الصـلـف ماصـدوبـي
لاذكـــرت الــلــي رحــــل وعـيـونــه الــدريــة
كــــل مـالـديــت فـيـهــا تــهـــت لا لــدوبـــي
تـمـطـر عـيـونـي وخـفـاقـي ســـرا ســاريــه
ينـعـصـر وانـــا دمـوعــي لـلـوفـا عـذروبــي
صمت عـن وصـل المحبـة لانهـا عذريـة
والـردى ماهـوب مـن طبعـي ولا بسلوبـي
اذكــر انـــه قـــال لـــي مـــرة وش الـحـريـة
قلت عكـس اللـي لقيتـه منـك يامحبوبـي
اهـتـوي طــاري هـلـه مــن حـبــي لـطـاريـه
والـدروب الـلـي تجنبـهـم مـاهـي بـدروبـي
متعـب" رجلـي ولـو هـي صوبهـم عبـريـة
وابنـي امالـي علـى الترحيـب لاهـلـوا بــي
واثرنـي ضـايـع واصــدق قـصـة الحـوريـة
وش ينجيـهـم مــن اثـامـي اذا قـفــوا بـــي
جزت مادام الهـوى يبغـي عصـا سحريـة
وتبـت مـادام القـدر عـيـا عـلـى مطلـوبـي
قـد همومـي ويـن ألاقــي الصـيـد بالبـريـة
وقومة" في وجه ضيفي واعرف ماجوبي
اصـغـر اهـدافـي تـــزول الـدولــة العـبـريـة
واكبـر امالـي يغـفـر الله جمـيـع ذنـووبـي
الرئيسية
الأربعاء يونيو 10, 2020 10:56 am
الإثنين نوفمبر 19, 2012 6:59 am
