همس المطر منك غدى لذعة حروق
عكس المطر لو كنت بالحيل رايق
يمسح رذاذه هاجس الود والشوق
وينادمك تنسى معه صدر ضايق
يا من تمكن بالحشى واسهر الموق
خل المطر يطفي لهيب الحرايق
خله في قلبك يحتضن دم العروق
وخله ينسيك الحزن والطرايق
شفت المطر لا من هطل يبري العوق
ويحضنك من بد البشر والخلايق
مشتاق وقدرك يالغلا دايما فوق
اقسم بربي صرت كل الرفايق
اقسم بربي ما يساويك مخلوق
يا من اخذت من الحلا كل لايق
انا المطر كله انا العشق والذوق
وانا غرامن ملتوي ومتعانق
وانا هواك العف يا بسمة شروق
دامي معك خلك على طول رايق
الرئيسية
الأربعاء يونيو 10, 2020 10:56 am
الأحد مارس 31, 2013 11:22 pm
