كلمات الشيلة :

يامؤمن الريفي انـا جيتـك زبـون جيتك على مدح اكثر الناس وعنيـت
جيت وتعالـى الله عمـا يشركـون لولاه يامؤمن لطبـك مـا اهتديـت
راضي بحكم الله علي مهمـا يكـون عالج عيوني لو بعـد طبـك عميـت
ودي اخاشر في البصر من يبصرون واشوف دربي لاسرحت ولاضويت
والى قنصت اثبت مع اللـي يثبتـون واشوف طيري كل مااوميت ودعيت
ياكثر مايضـرب خويـي الطابلـون من كثر مااكلتهـا مطبـات وكليـت
وودي اشوف اللي علي يعرَضـون وبعض الليالي ودي اسري دون ليت
واشوف ناس)ن(في القفا مايرحمون اما وقفـت وصاحبـي ولا مشيـت
من دون نظـاره ولاهـم يحزنـون ياكثر ماكسَرت كشمـات وشريـت
لكـن يادكتـور جعلـك ماتـهـون ابغيك بكلمـه راس دامـك مابديـت
اسمع ولا ابغى اللي وزانك يسمعون ربي كتب يكشفلك اسراري وجيـت
صوره عديل الروح عندك في العيون واخاف تقطعها بموسـك ماوعيـت
ولاعليك امر اطوها تحت الجفـون وعقبه لوتقطـع عيونـي ماشكيـت
هي راس مالي والعرب مايدركـون اني على باب الممـات وماحكيـت
ياقـو قلبـي يـوم قفـن الطعـون اللي علـى ذاك المـوادع مابكيـت
وياصبر صبري والعواذل يحسبـون اني دلهت مـن الهـواء ولا سليـت
اسكت عساهم من سكاتـي يسكتـون وانا عن اللي في ضميري ما انتهيت
وادور الفرحه مع اللـي يسهـرون وان ذكروني خذت فنجال وسريـت
اخذت من وقتـك يادكتـور العيـون عالج عيوني لو بعـد طبـك عميـت
واستر علي واللي معـك لايفطنـون انت الوحيد اللي بعد ربـي دريـت

حلوة يعطيك العافية