السلام عليكم ورحمة الله وبركاته

حاولت ارقد وحاولت عياا يجي!!
ثم قعدت اكتب هالخثاريد وبحطها لك
اهداء لحضرتك بغيابك

كان ودي تردين عليها بس تخبرين اللي صار صار
اقول :

سلام ترحيبة من الفكر لاجال .. لاجال لجل اللي عيونه تهاويل
وسلام ردية من العم للخال .. ياصل سلامه مع سريع المواصيل
طال المدى واشيب عيني ليا طال .. ودي اعبر عن قلوبن مغاليل
جمرة هوى ابعث سلامي وبالحال .. للي عباته ظلمته تشبه الليل
وقله ترى الراحل على العهد مازال .. ولالا يغرك هرج شبه التماثيل
مابي ولد عمن ولابي ولد خال .. ولو هو بكيفي ما ابدلك تبديل
هذا كلامي وابعثه عبر الارسال .. جمرة هوى يعطيك حلو التعاليل
لامال قلبي يم مجنونتي مال .. وهي تخبر مني كثير الغرابيل
قولوا لها الراحل يغنيتس موال .. موال ماهو مثل باقي المواويل
يامرحبا بالقيل واللي بنى القال .. ويالله عسى درب الحبيبة تساهيل
انتي علي شماغ وانتي لي عقال .. وانتي على راسي شموخ المخاييل
لو هو بكيفي لاشربك وسط فنجال .. واشعر بلذة قربك احلى من الهيل
وختامها شاعرك على العهد مازال .. وده يلمك ثم يدللك تدليل

لاتقول خثاريد انا اشهد انك شاعر ما شاء الله تبارك الله

لو هو بكيفي لاشربك وسط فنجال واشعر بلذة قربك احلى من الهيل

الله عليك

تسلم يالغالي على مرورك
بس بعض العرب الظاهر ماتغير به شئ ..
خلك على خبري كما ريحة العود .. إذا احترق بالنار يزداد طيبة ..