الحين صورة لشوفته راس مالي , قصيدة البارحة عيت عيوني عن النوم
البارحه عيت عيوني عن النوم ~ من هاجسن مشغل خفوقي وبالي
والكارثه فكره على راسي تحوم ~ مدري جنونن ولا شين جرالي
لاعادك الله ياصور داخل البوم ~ من شفتها والحال ماهو بحالي
واللي ذبحني جيت القاف من كوم ~ لن القصايد عذبها الفكر خالي
لكن ابرثي حالتي بشعر منظوم ~ بكتب ولو ان الفكر حيل سالي
عزاه ياحلمن قضى عمره بيوم ~ بيدين منهو للغلا مايبالي
واقولها بآهات ياحب مرحوم ~ الله يعوض مكسبك شخص غالي
قصة محبه ختامها طعن وسهوم ~ مع واحدن طيفه سكن في خيالي
ياما لفاني قاللي الصدر مكتووم ~ وياما لفيته في زمانن صفالي
يسرد لي احزانه ومابه من هموم ~ وانا اخفف من همومه الثقالي
حتى الشقاوه بينا شي ملزوم ~ لذة غرامن مع مزيج الدلالي
مابيننا شيككن ولا دفع ورسوم ~ نزعل ونرضى ونتعاند قلالي
كم مرتن جاني من الشوق مهزوم ~ صرح بان البعد حلمن محالي
هذي حقايق عشاها حظ معدوم ~ واليوم ذكرى في هوامش ليالي
وفي لذةالحرمان لي درس وعلوم ~ من صغر سني وزادها ولد خالي
اخر كلامه ماحصل شي مقسوم ~ وانهى وصالن ينضرب به مثالي
كان اللقاء مابيننا دايم الدوم ~ والحين صوره لشوفته راس مالي
الرئيسية
الأربعاء يونيو 10, 2020 10:56 am
السبت ديسمبر 08, 2012 3:35 am
