ادمح ( الزله ) قدر ماتستطيع
وصد عن بعض الامور وخلها
لا تسمّع للحكي ثمٍ تضيع
خل ( حسادك ) تموت بغلها
والمشاكل لو تجي مع كل ريع
( الله ) اللي جابها ويحلها
وابتسم واضحك وسولف للجميع
والهروج ( العوج ) لا تفطن لها
وخلك لربعك كما الحصن المنيع
والثقيله عن ( ربوعك ) شلها
وإقض حاجة من تعنالك سريع
نفعة ( الطيّب ) تجي في حلها
والسنافي دايمٍ ( صدره ) وسيع
والعلوم ( الكايده )قدٍ لها
والردي ما منه ضر ولا نفيع
يدبل اكبود ( العرب ) ويعلها
شد عن دار المحل يم الربيع
وعز ( نفسك ) لا تدور ذلها