طال السفر يا غناتي
وانا عيوني شقية
ماتهتني بالمباتي
وجفونها حاتمية
إي والله إني احاتي
عساك حياتك هنية
ياغايتي وامنياتي
واهدافي العالمية
محبتك وسط ذاتي
محبة سرمدية
تسوقني للمماتي
سوق البدو للرعية
محد يسوي سواتي
اذكرك صبح وعشية
عود ونفذ وصاتي
ان كان لك مقدرية
ولا يغرك سكاتي
ترى جروحي ندية
ليت الصبر من سماتي
كان الليالي مديه
يا اول وخامس جهاتي
اقبل وطيع الوصية
اقبالتك يوم تاتي
عيد الفطر والضحية
واقفايتك من حياتي
تدمر المعنوية
طاري الهجر والشتاتي
يرد لحوض المنية

ماقصرت في قمة الروعة