ياقلة الحيله وياجفة الريق
وياضعف بن ادم بوقت البلايا
نلجأ لرب العرش في ساعة الضيق
ونستغفرالله من جميع الخطيا
لهتزت الديره تهز المعاليق
وتهتز معها قلوب بين الحنايا
يا الله لاتحمل عبادك ملا اطيق
منطيق شوف اديار اهلنا خلايا
من غادر الديره عيونه غواريق
باالدمع يوم يشوف اهلها جلايا
نبكي وتبكينا الجبال الشواهيق
وتبكي عليها اطفالنا والصبايا
ياالعيص لك منا عهود ومواثيق
نعشق ترابك والهجر والقرايا
العيص حنا في هواها عشاشيق
ولانشوف له وسط الجزيره حلايا
دار الكرم والجود دار المطاليق
دار الشيوخ مكثرين التحايا
ياالله تجمع شملنا بعدتفريق
وتحفظ دياري ياجزيل العطايا
نصبر على ماصار من دون تعليق
ونرضى بحكم الله رب البرايا
يا معتني بشؤون كل المخاليق
يا الله دخيلك من كبار البلايا
الشيخ /مفلح بن غنمي السناني
الرئيسية
الأربعاء نوفمبر 20, 2024 4:12 pm
الخميس سبتمبر 25, 2014 5:06 am
