ادري رحلتي غصب ما كان برضاك .. وادري رحيلك للأبد ياحنيني

وادري خفوقي انذبح يوم فرقاك .. وادري عذابي وقتها يحتريني

من يوم غبتي والليالي برجواك .. مامر ليل ما رجيتك تجيني

يروح ليلي في تمني ملاقاك .. واصبح لحالي ضايع في ونيني

وما مر صبح دون شهقة لطرياك .. يزفها جيش من دموع عيني

ان قلت ابنسى كل مابي تمناك .. وشلون ابنسى وهاجسك محتويني

وان قلت ابرقد هزني صوت ذكراك .. وهاك الليالي يومنا ملتقيني

وان قلت ابسهر لاعني طيفك هناك .. قدام عيني يلهب الشوق فيني

وينك بربك وش حياتي بلياك .. وش فودها دونك بقايا سنيني

هذا قصيدي بعالي الصوت ينعاك .. والبعد كافر قاسي ما يليني

آآآه
صح لسآنك ياوآئل عز الله آنه جآء وقت هالقصيدة
تحيآتي لك