ألا ياليت تذكرني حبيبك مانسى ذكراك
غدت احلامه احزانه وغابوا عنه خلانه
بقى بيوم الفرح بسمه تدور مسكن بدنياك
وابعدها ظلام الليل واصبح قلبك اوطانه
تعال وشوف لي دمعة ابحبسها الين القاك
لعلك تمسح الدمعة يغيب الحزن وأشجانه
أنا ياصاحبي مدري ذكرتك يوم جيت أنساك
وذكرت انك رحلت وقلت هذا الحب واحزانه
إلين الاقي العمر يجيب خطاي يم خطاك
وتاخذني دروب الشوق واوصل لين بيبانه
انا قلب تعذب حيل من بعدك ومن جفواك
أنا جسم بليا روح غاب وغابت أزمانه