وش حال روحك صاحبي يا اريش العين ؟ .. جعلك من صدوف الزمن دوم مرتاح
صاحبك سجل دخوله للمحبين .. يبحث على محبوب قلبن غدا وراح
وش حيلتي لا صار عني مصدين ؟ .. وانته تشوف الجرح للعين وضاح
حسيت جرحي زايدن قبل يومين .. واصبح بقلبي اليوم مجموعة جراح
هذي قصيدة واحدن يعشق الزين .. من دخلته دكه من البال ما راح
جيته وقلت انت عندك محبين ؟ .. قال الخلا انا من الحب مرتاح
واهتز قلبي وانتفض بالشرايين .. وده يضمه للصدر ويحطه وشاح
قلت اعطني حبك ترى جاني البين .. من ظلم هالايام سرحت مسراح
قال الصداقة والاخوة تكفين .. مالي بحبك جعله الموت لواح
قلت اصبري والله والله تدرين .. قلبك سبب في بهجتي هي والافراح
انتي السعادة واحدة مابه اثنين .. وانتي قمر في دنيتي للنظر لاح
حبيبتي ..! عفوا صديقي اختي تخبرين .. اللي على طاريك يثبت م ينزاح!
بقول قبل ارحل هاك بيتين.. بيتين تكفيني لذكرى بها جراح
اول كلامي لاتبعت المقفين .. ياتيك من عقبه لواهيب ولفاح
واتلى كلامي يشهد الله وتدرين .. اني على فرقاك لاصير سفاح
لاخذ عمار شيوخها والبزارين .. ولا ارجعي .. ترى الحب ما راح
انتي هويتي بس خفتي وتخفين .. بعض المشاعر اللي لها الناس ترتاح
هذا كلامي وانا رايح على وين .. جمرة هوى عبر المواقع لها صاح
وختامها ياللي قسيتي تحنين .. لاشفتي قبر اللي يحبك له صراح

ليه تجفآني يا صآحبي انا ما آحتآج الكلام انا احتاج الفعل

وختامها ياللي قسيتي تحنين..! لاشفتي قبر اللي يحبك له صراح
كفو بيض الله وجهك وصح لسانك شنب

لاهنت صح بدنك