خسيتي لعنبوا جدك خسيتي والغلط ينعاب ..... خسيتي واقلبي وجهك ولا كلمة ولا اجابة
خسيتي والزمن حدك تراها ضاعت الاداب ..... انا لاطاشت جنوني يعرف الجاهل ادابه
وش المغزى من الكلمة بلا داعي بلا اسباب ..... وهرج التسذب والتجريح قوليلي وش هي اسبابه
انا الشرهة علي اني فتحت لخافقي كم باب ..... ولكن مثل ماجيتي ترا كبر الجمل بابه
خذي نفسك معك برا وثم طسي بدون إياب ..... فمان الله ولا اقول فمان ابليس واصحابه
تحسبيني على فراقك ابندم واغرق الاهداب ..... انا مبسوط يومني طردت الشوم وغرابه
انا ما اعاشر الخاين ولا اسمع هرجة الكذاب ..... ومثلك قيمته عندي تحت الزيرو حسابه
هذاك اللي تحبينه حقير وخكري ولعاب ..... عاجبك ان قذلته شقراء ويميل بالشعر كابه
صحيح انه حقير وزين وشكله للنساء جذاب ..... تشبه بأخته فلانه منها الدم متشابه
وانا مانيب حرف الجر تجرينه على الاعراب ..... انا حرف(ن) جزم نفسه ومثلي يصعب اعرابه
تشوم النفس عن زينك عقب ماطاح فيها ذباب ..... وانا حرن ولد حر تركت الزين وذبابه
انا شيخن ولد شيخ بذكره تنعم الانساب ..... ليا قام العرب كلا يراجع دفتر انسابه
ولد شيخن وسط ربعه له بين الرجال حساب ..... ليا ضاقت به الارياء يهز الارض مشعابه
محنكني على الطيبة من يومني صغير وشاب ..... اجل وش رايك بطفلن دلال القهوة العابه
ترى بدري على مثلك تعيب وساسها معياب ..... ياليت اللي يعيبني يحاول يستر ثيابه
انا لاجتني الزلة من الجاهل وهو كذاب ..... تركت القافلة تمشي وراها تنبح تسلابه
وانا ليامن كشف ان الخوي اصبح لسانه داب ..... نزعت السم من عرقه وكسرت بمخلبي نابه
خلاص اليوم يافلانه كرهتك والقلوب اغراب ..... وترى كل طيرن بكبد السماء يشبع مخلابه
خسارة مثلك بقلبي تضمه غرفة الاحباب ..... وخسارة غلطت العاشق يحطك اول احبابه
بعد هذا تبين ارجع لاجل عينك نصير اصحاب ..... خسيتي واقلبي وجهك ولا كلمة ولا اجابة

قووووووويه جدا" ووورووعه ,."

م أخذلك م أكسرك م أسفهك ,"
تطمن ي الطيب أنا م أشبهك . ,

يسلمو على المرور العطر