قصيدة المحبة حاجة من عند ربك
المحبة حاجة من عند ربك
لو جحدنا عيوننا تظهر عليها
ويش فيها لو عرفت إني أحبك
سايلك بالله قُلي ويش فيها
شبكت الأرواح غصب بلا مشبك
كيف مدري جل من سبب مجيها
قد بغيت أكبك وما أحتلت أكبك
مثل ذا الشهرة أبيها ولا أبيها
آه لو ألقى عرب تنوي تسبك
والله إن أغير وألعن والديها
تدري ليه أبغى الهوى يمي يهبك
حاجة في نفس يعقوب ويبيها
لجل لامن قلت لي عادي أحبك
ألتفت وأقول عادي ويش فيها
الرئيسية
أمس في 4:12 pm
الإثنين ديسمبر 23, 2019 6:19 am
