ويــنــك .. ؟؟

وينك وانا لي عدة سنين ادوّرك .. ماتفتكرني يوم ادوّرك وينك
هذا أنا جيت اكتب الشعر واذْكُرْك .. بالخير ياللي كلّنا فاقدينك
خابرك قاسي ياريش العين خابرك .. إقرا قصيدي شف عذابي بعينك
مشطك شمطريّك وعلبة أساورك .. وبرقعك وحجولك وحلية يدينك
وكحلك ومكحلتك وباقي بناجرك .. الدبلة اللي ماتفارق يمينك
والخاتم اللي كان دايم بخنصرك .. وركزتك وزمامك و قلم حاجبينك
ونفنوفك وتاجك مع حزام خاصِرْك .. وقصيدي اللي ضيّعنه سنينك
واشيا كثيرة منك فيها اتذَكّرْك .. بالديرة اللي ضوّها من جبينك
الكل منا يادعج العين ناطرك .. بس انت غايب يالغضي قول وينك؟

اي والله خابرك قاسي يا اريش العين خابرك
صح لسانك