الذكريات العابرات القديمه
اليا طرت تسري على كل الاشواق
قبل الغياب وغاشي الجو غيمه
هام الخفوق لسالفه حب وفراق
معذور يشكي مافطن له نديمه
اللي طوى له صفحة بين الأوراق
طيفه ترك لي عبرتين وهزيمه
من قبل كان يزور الاحلام مشتاق
ذكرى ولكن بالمحاني أليمه
ماراق لي خاطر ولو خاطره راق
لو المدامع للمحاجر رحيمه
ماصار سكبه تالي الليل حراق
ماللصبر في رحله الصد قيمه
غير العذاب اللي للأحداب تواق
حتى الصباح اللي يهفهف نسيمه
ماله طعم فيه وحده القلب لاضاق
وماللسحاب اللي يجلجل رزيمه
فرحه بعد ماغمضت عنه الاحداق
الحب بلوى والجفا صب ديمه
والقلب من جو الطواريق مافاق
الرئيسية
الأربعاء يونيو 10, 2020 10:56 am
الإثنين يونيو 23, 2014 7:31 am
