خذ بذلتي وبريهتي والبساطير
سلم عليهم قلهم يفصلوني
وتبــلغ القايد تـحية وتقديـــــر
وعلى طابور الصبح لايحتروني
ماقصدي اتركهم دشاره وتقصير
لكــن نسيم الليل هيض شجوني
حب القنص والبر وملاعب الطير
وجلسة نشاما بالوفاء يعرفوني
بأرض خلا قفرن ماجاها مداوير
بكــر سقـاهـا وبل غر المزوني
وخوياك دوم ماتحسب المخاسير
وخــويهم يجلــون عنه الحزوني
للطيب بوجيه النشاما تعابيــــــر
بالطيب انا اذكرهم وهم يذكروني
هذا هواي ورغبتي يا هل الخير
وعــن شف بالي بس لاتعذلوني
وان كان مني يا هل العرف تقصير
انـــا ادمـــي يخطي لكن مايخوني
خــذ بذلتـــي وبريهتـــي والبساطير
سلــــم عليهــــم قلهم يفصلوني

ماعاد فيها فايدة صار ما صار
اللي تبيه العين قلبي يبيها
لو اعتذر مابه مجالن للأعذار
ليت السلامة تشترى واشتريها
ماتستلم روحي وتقضي عليها

انا اتعذب طول هالوقت واحتار
مع من خذتني لعبتن في يديها
تلعب على ماتشتهي بي وتختار
وانا الهوى ماودي انه يجيها
يجرح مشاعرها وانا اخاف واغار
حتى من الريح الخفيه عليها
وش تنتظر يامحرق القلب بالنار
ماتستلم روحي وتقضي عليها